念念不忘呢套2007年PIA影展大獎得主石井裕也既《火花女》，因為女主角井川あゆこ青春可愛，演厭世學生妹神經質得黎又出奇的自然不造作，估唔到一個水著女優平時著下三點式拍下硬照，演戲可以有咁自然既表現 (CO2映画祭DoCoMo女優賞)。亦因為她身邊一大班騎呢到震既親戚朋友，點綴了這個煩悶的處境，完全切合石井裕也的光怪電影世界，博得觀眾會心微笑。導演把電影表現得清新正面，不考觀眾忍耐力，獨立電影難得令人討好之作。
三十二屆香港國際電影節上過，同屆還有石井裕也其他三部作品，我另外還看了《內爆男》，其他兩部睇唔到，好想睇，不過買唔到飛，心諗應該無咩機會睇返。但係近排佢四套作品都陸續出左 DVD，重溫有望，點知原來佢地呢幾套DVD係無英文字幕，真係可以話係吹脹! 點解果時電影節放映時有字幕，而家出DVD 會無字幕，咁出 DVD 黎做乜? 咁我買唔買好? 還是我應該現在開始去學日文 ?
Advertisement
0 Responses to “《火花女》出DVD無英文字幕”