《戲中戲中戲》薄過張紙

個故事薄到好似一張紙咁，無什麼特別有意思的內容，小說中既主角，寫故事的人，導演，演員，沒有一個是特別鮮明的角色。但係點解又加場又講到話唔睇唔得呢 ? 全靠剪接果位人兄 ……多得呢個剪片，令到呢套內容其實很薄弱的故仔說得天花龍鳳。

沒有了這個剪接，這套戲的故事可以話係好大獲。寫故人對自己的角色有了獨特的情感，不想將他毀於一旦，戲中戲的 A 更有獨立思想而想追尋真相，都係“搵D野黎搞”。因為故事只有頭兩行 — 主角醒返發現自己o係個不知名空間同比人“水”走左個腎，之後就咩都無喇。咁咪加埋 d 作者呀，導演呀，演員呀去搞返個尾出黎囉，無野講架喇。個個都唔知個結尾係點，個作者又唔肯寫，仲入埋個故仔裡面叫個角色自己諗掂佢，但係佢就搵來搵去都係得個桔，痴到個演員走埋入黎同佢講數，互串，無聊到我想大叫 CUT。後尾仲串到個演員死左，A又唔死得留返o係度，戲又拍不成，作者也魂歸天國(就咁死左，又可以寫少條線)，A既存在價值真係無晒意義，你話佢o係度做咩喇 ? 拎紙出黎寫故仔? 唔係咁獨立自主掛，A呢個根本虛構既角色，想要加冕一個靈魂比佢自行活得精彩，有心無力，還好剪接救回這電影一命。